(Dé Céadaoin, 7 Nollaig 2022) - Reáchtáil Bord Oideachais agus Oiliúna Chill Chainnigh agus Cheatharlach (BOOCCC) a shearmanas bliantúil na ngradam don Tionscnaimh um Fhilleadh ar an Oideachas (TFO/BTEI) aréir in Óstán Seven Oaks áit ar bronnadh gradaim Cáilíocht agus Cáilíochtaí Éireann (CCÉ/QQI) leibhéil 3-6 ar mhic léinn sa ghairneoireacht, cúram sláinte, cúram leanaí, TFC agus riar oifige.
Cuireann an TFO breisoideachas páirtaimseartha saor in aisce ar fáil do dhaoine óga agus do dhaoine fásta a d’fhág an scoil gan mórán cáilíochtaí foirmiúla nó gan cáilíochtaí foirmiúla ar bith acu agus tugann sé an deis filleadh ar an bhfoghlaim a chomhcheangal le freagrachtaí an teaghlaigh, na hoibre agus i gcoitinne. Is féidir le rannpháirtithe deimhniú CCÉ Leibhéil 3-6 a fháil, roghanna fostaíochta nua a lorg agus/nó dul ar aghaidh chuig ardoideachas.
B'iad príomhthéamaí an tsearmanais bronnta TFO Cheatharlach ná mórtas as sárú an chruacháis a cheiliúradh – an chéad ócáid a reáchtáladh ón mbliain 2019 i leith.
Ag searmanais na ngradam, á oscailt aici chuir Orlaith McHugh, Comhordaitheoir TFO Cheatharlach, fáilte roimh na buaiteoirí agus a gcuid teaghlach agus thug sí aitheantas don obair chrua a rinne siad, d'ainneoin droch-thionchar an Covid-19. Mhol sí múinteoirí agus teagascóirí an TFO, a dúirt sí, “a théann thar a gcúnamh chun cabhrú lena gcuid mac léinn”.
Rinne Eileen Curtis, Príomhfheidhmeannach BOOCCC, comhghairdeas leis na buaiteoirí as an méid a bhfuil bainte amach acu. Dúirt sí, “Is mithid dúinn anocht bhur ndíogras agus bhur ndúthracht a aithint, chomh maith leis an méid oibre a chuir sibh isteach. Baineann tábhacht mór le bhur n-iarrachtaí ar filleadh ar an oideachas a aithint go foirmiúil. Cuireadh éilimh shuntasacha ar gach éinne le cúpla bliain anuas is ceart dúinn anocht sibhse a mholadh as an sárjab a rinneadh”.
Dúirt sí freisin, “Ní hé rath na foghlama i gcónaí teacht ar an gceann scríbe. Baineann an turas agus an méid a foghlaimíodh ar an mbealach leis chomh maith agus, le linn an cúrsa agaibh ag TFO Cheatharlach, tá móran foghlamtha agaibh faoin méid a bhfuil sibh in ann a bhaint amach”.
Dúirt Martha Bolger, Stiúrthóir Breisoideachais agus Oiliúna BOOCCC (BOO), “Déanann an TFO daoine a ullmhú le haghaidh oibre agus gairmréanna sásúla. Cuireann sé conairí agus deiseanna an oideachais ar fáil d’fhoghlaimeoirí ó gach cúlra agus ar gach cumas. Ní leanann an fhoghlaim an líne dhíreach i gcónaí”.
Dúirt Oifigeach Aosoideachais Aosaigh an BOOCCC John O’Neill leis faighteoirí na ngradam, “Tá an-chrógacht léirithe agaibh. Tagaeann an eagla leis an athrú. Shocraigh sibh gur mian libh athrú agus ní tharlaíonn a leithéid gan macnamh air. Tá bhur gcuid imní féin sáraithe agaibh agus ba chóir daoibh bród a bhaint as”.
Tá tuilleadh eolais faoin TFO ar fáil ag www.kcetb.ie Is féidir faisnéis faoi chursaí nua a fhail ag (059) 913 9532 nó trí rPhost a sheoladh chuig bteicarlow@kilkennycarlowetb.ie
Príomhtheideal íomhá: Renata Polak; Renata Rusicka; Teagascóir Gillian Deacon; Lisa Moore; Betty McSweeney agus Marcella Costigan
Martha Bolger le bronntóir Pretty Sibanda agus a hiníon Sinead Sibanda