(27 Samhain, 2023) – Bhí mac léinn de chuid Music Generation Chill Chainnigh mar réalta an Late Late Toy Show Dé hAoine seo caite le léiriú ceoil aonair a deir go leor a ghoid an seó.
Bhain Enya Cox (13 bliana d’aois) ó Chaisleán an Chomair gártha molta as an lucht féachana le léiriú iontach de ‘Vampire’ le Olivia Rodrigo mar chríoch deiridh don Late Late Toy Show Dé hAoine a mheall breis agus milliún lucht féachana. Chuir Patrick Kielty, óstach Late Late Show síos ar a léiriú mar “rud éigin an-speisialta”.
Is féidir léiriú Enya a fheiceáil anseo
Roimh seó na hAoine, bhí Enya ina mac léinn le Music Generation Chill Chainnigh, ag tabhairt léiriú ag ceolchoirm SINGOUT anuraidh in Ard-Eaglais Naomh Cainneach áit ar chan sí ‘Have yourself a Merry Little Christmas’. Rachaidh Enya ar stáitse in Ard-Eaglais Naomh Cainneach arís ar an 15ú Nollaig do cheolchoirm SINGOUT na bliana seo.
Ag labhairt di ar a léiriú ar an Toy Show, dúirt Sinead Blanchfield, Oifigeach Forbartha Music Generation Chill Chainnigh, “Is amhránaí cumasach í Enya. Tá tallann gutha aici, doimhneacht mhothúchánach, agus láithreacht stáitse i ndiaidh a blianta. Níl aon dabht ach gur réalta óg ag teacht chun cinn í agus ní fhéadfaimis a bheith níos bródúil aisti ag Music Generation Chill Chainnigh.”
Dúirt máthair Enya, Roisin Cox, go raibh “bród an domhain” uirthi i ndiaidh fheidhmíocht a hiníne.
Comhghairdeachas agus gach dea-ghuí Enya ó gach duine ag BOOCCC agus Music Generation Chill Chainnigh – táimid an-bhródúil asat!
Teideal na príomhíomhá: Enya Cox ag canadh ag ceolchoirm ‘Sing Out’ Music Generation Chill Chainnigh i mí na Nollag seo caite in Ard-Eaglais Naomh Cainneach, Cathair Chill Chainnigh