Tá ceithre chéim treasach seolta ag Ollscoil Teicneolaíochta an Oirdheiscirt (OTOD) agus ag Bord Oideachais agus Oiliúna Chill Chainnigh agus Cheatharlach (BOOCCC) atá dírithe ar dhul chun cinn a mhéadú ón mbreisoideachas go dtí an t-ardoideachas lasmuigh den chóras traidisiúnta pointí.
Cruthóidh na céimeanna seo conair do chéimithe Breisoideachais agus Oiliúna (BOO) BOOCCC i réimsí ceithre chéim. I measc na gceithre réimse atá á dtairiscint i mbliana tá Baitsiléir Eolaíochta (onóracha) i mBainistíocht TF ó Choláiste BOO Chill Chainnigh go OTOD Ceatharlach, an Baitsiléir Eolaíochta (Onóracha) i Sláinte Poiblí & Cothú Sláinte ó Choláiste BOO Chill Chainnigh go OTOD Phort Láirge, an Baitsiléir Gnó san Fháilteachas agus Turasóireacht ó Institiúid Cheatharlach go OTOD Phort Láirge agus an Baitsiléir Eolaíochta i gCúram Sláinte Feidhmeach ó Institiúid Cheatharlach go OTOD Port Láirge.
Déanfar an chéad bhliain de na céimeanna seo a óstáil agus a sheachadadh ag ionaid BOO BOOCCC, agus ina dhiaidh sin, déanfaidh foghlaimeoirí a n-éiríonn leo an bhliain a chríochnú, dul ar aghaidh gan stró chuig an ardoideachas ag OTOD. Léiríonn an comhoibriú an feachtas náisiúnta chun bealaí eile a bhunú chun cúrsaí céime a leanúint trí earnálacha breisoideachais agus oiliúna (BOO) agus ardoideachais (AO) níos aontaithe a chruthú. Léiríonn an Roinn Breisoideachais agus Ardoideachais, Taighde, Nuálaíochta agus Eolaíochta Beartas an Chórais Treasaigh Aontaithe, a sheol an tAire Simon Harris anuraidh, athrú stairiúil ar rochtain ar oideachas tríú leibhéal.
Ag labhairt dó ag an seoladh, dúirt Leas-Uachtarán OTOD um Eispéireas an Fhoghlaimeora, David Denieffe:
“Is rud é seo atá á fhorbairt againn ag OTOD, agus ag ár gcomhghleacaithe ag BOOCCC le tamall anuas. Táimid ag tnúth le leanúint ag obair i gcomhpháirtíocht fheabhsaithe le BOOCCC chun a chinntiú go mbeidh ollscoil agus céim inrochtana do chách.”
Agus í ag tagairt don deis spreagúil seo, dúirt Martha Bolger, Stiúrthóir Breisoideachais agus Oiliúna BOOCCC:
“Trí na deiseanna seo beidh deis ag foghlaimeoirí iarratas a dhéanamh go díreach chuig ceann dár gColáistí Breisoideachais agus Oiliúna agus taitneamh a bhaint as an gcéad bhliain dá gcéim gan táillí agus beidh deis cinnte acu dul ar aghaidh chuig OTOD. Is imeacht spreagúil é seo do BOOCCC agus tá sé mar bhonn lenár gcreideamh lárnach go bhfuil an chumhacht ag an bhfoghlaim saolta a athrú agus pobail a thógáil.”
Gné-Ghrianghraf; ó chlé: David Denieffe, Leas-Uachtarán OTOD ar Eispéireas an Fhoghlaimeora, Martha Bolger, Stiúrthóir Breisoideachais agus Oiliúna BOOCCC, David Forde, Príomhoide Institiúid Cheatharlach, Una Hayes, Príomhoide Choláiste BOO Chill Chainnigh, Jennifer Collins Leas-Phríomhoide, Coláiste BOO Chill Chainnigh, Sarah Barron, OOA BOOCCC, Peter Cleere, Leas-Phríomhoide, Institiúid Cheatharlach.