Tionscnaimh Oiliúna Áitiúla (LTI)

D’fhéadfadh an Dara Soláthraí a fheidhmíonn LTIanna sainthionscadal pobalbhunaithe a shainaithint a chuirfidh ar chumas na bhfoghlaimeoirí, trí chur chuige comhoibríoch leis an BOO, na scileanna riachtanacha a fháil chun tascanna a bhaineann leis an tionscadal a dhéanamh agus a chuirfidh seirbhís úsáideach ar fáil don phobal dá réir. Ligeann an bealach seo d’fhoghlaimeoirí scileanna luachmhara a bhaineann le fostaíocht, eolas agus inniúlacht a fhorbairt agus iad ag tugadh cuidiú don a bpobal féin.

Chun a chinntiú go bhfuil an oiliúint a shainaithnítear ábhartha, ní mór do Dara Sholáthraithe ionchasacha anailís chuimsitheach a dhéanamh ar riachtanais na ndaoine dífhostaithe laistigh dá bpobal, ar na leibhéil dífhostaíochta agus ar an margadh an tsaothair nó ar na deiseanna dul chun cinn a d’fhéadfadh a bheith ar fáil d’fhoghlaimeoirí ar chríochnú na hoiliúna dóibh.

Is féidir leis an gclár tacú le hoiliúint chreidiúnaithe (Leibhéil 3, 4 nó 5 CNC) do raon leathan earnálacha, lena n-áirítear, mar shampla, na cinn seo a leanas: Comhshaol, Ginealas, Oidhreacht, Turasóireacht, na hEalaíona, Cóitseáil Spóirt, Lónadóireacht, TFC, Na Meáin Dhigiteacha.   

Maoiniú Cláir

• Díolfaidh an Bord Oideachais agus Oiliúna Chill Chainnigh agus Cheatharlach costais pá Chomhordaitheoir an Chláir/an Chomhordaitheora Cúnta agus gach costas ceadaithe neamhphá
• Tá liúntais oiliúna do rannpháirtithe cáilithe.
• Tá liúntas taistil do rannpháirtithe cáilithe

Íosriachtanais

• Tá gá le struchtúr neamhbhrabúis atá corpraithe go dlíthiúil chun an LTI a oibriú.
• Beidh bord stiúrthóirí/iontaobhaithe/oifigigh údaraithe nó baill a ionadaíonn go ginearálta don phobal ag gach Dara Soláthraí.
• Comhaontú Comhoibrithe críochnaithe.
• Ceapfaidh an t-eintiteas dlíthiúil coiste bainistíochta nó duine údaraithe a bheidh freagrach as maoirseacht laethúil an LTI.